सोने-चांदीवरील शुल्क १२.५० टक्क्यांवरून ७.५० टक्के केले आहे. पण, या व्यतिरिक्त २.५ टक्के कृषी अधिभार (सेस) लावण्यात आला आहे व पूर्वीपासून असणारा ०.७५ टक्के सेस कायम आहे. त्यामुळे आता सोने-चांदीवरील एकूण शुल्क १०.७५ टक्के झाले आहे. तसेच, आयात शुल्कात आगामी काळात आणखी सुसूत्रता वा कपात होण्याचे सूतोवाच केले आहेत. 

बजेटच्या घोषणांमुळे काय स्वस्त, काय महाग? वाचा सविस्तर

केंद्रीय अर्थसंकल्पात सोने-चांदीवरील आयात शुल्क कमी होईल, अशी बरेच जणांना अपेक्षा होती. कारण सोन्याचा भाव प्रति १० ग्रॅमसाठी ३०-३२ हजार रुपयांपासून वाढून सुमारे ५२ हजार रुपयांच्या पातळीवर गेले होते. आंतरराष्ट्रीय बाजारात प्रति औंसाला १३०० डॉलरपासून २००० डॉलरपर्यंत गेले होते. त्यामुळे सरकारला सोन्याच्या प्रति १० ग्रॅममागे मिळणारे शुल्कदेखील वाढले होते. आता सोने-चांदीवरील शुल्क १२.५० टक्क्यांवरून ७.५० टक्के केले आहे. पण, या व्यतिरिक्त २.५ टक्के कृषी अधिभार (सेस) लावण्यात आला आहे व पूर्वीपासून असणारा ०.७५ टक्के सेस कायम आहे. त्यामुळे आता सोने-चांदीवरील एकूण शुल्क १०.७५ टक्के झाले आहे. तसेच, आयात शुल्कात आगामी काळात आणखी सुसूत्रता वा कपात होण्याचे सूतोवाच केले आहेत. सोन्याच्या भावात आयात शुल्क समाविष्ट असते. अर्थसंकल्पात सोने-चांदीवरील शुल्ककपातीमुळे सोन्याचा भाव २ ते २.५० टक्के घसरला. त्यामुळे आपल्याकडेही सोन्यात घसरण झालेली दिसली. आंतरराष्ट्रीय बाजारात चांदी वाढत असल्याने चांदीच्या भावावर शुल्ककपातीचा परिणाम दिसला नाही. मात्र, शुल्क तेच राहिले असते आणि आंतरराष्ट्रीय बाजारात चांदीचा भाव चढा राहिला असता, तर चांदीचा भाव प्रति किलो ७६ हजार रुपयांवर गेला असता. पण, आयात शुल्क कमी झाल्याने चांदीच्या भाव जिथे आहे तिथेच कायम राहिला. आगामी काळात आंतरराष्ट्रीय बाजारात सोन्याचा भाव वाढतच गेला किंवा डॉलरच्या तुलनेत रुपया कमकूवत होत राहिल्यास सोने-चांदीचा भाव वाढू शकतो. मात्र, आयात शुल्क कमी झाल्याने त्याचा फायदा ग्राहकांना नक्कीच होईल. 

हे वाचा - Budget 2021 : बजेटनंतर सोनं घसरलं; सराफांच गणित बिघडलं, ग्राहकांची चांदी

ठळक वैशिठ्ये 
- सोने-चांदीवरील शुल्क १२.५० टक्क्यांवरून ७.५० टक्के 
- आयात शुल्कात आणखी सुसूत्रता वा कपात होण्याचे सूतोवाच 
- आयात शुल्क कमी झाल्याने चांदीच्या भाव कायम 
- आयात शुल्क कमी झाल्याने त्याचा फायदा ग्राहकांना 

गुण  : १० पैकी ७